የሰኞ ምሽት ስፖርታዊ ዜናዎች

የሰኞ ምሽት ስፖርታዊ ዜናዎች

አቅራቢ-ኢብራሒም ሙሐመድ

ከሪያል ማድሪድ መልቀቁ እርግጥ የሆነው ጋሪዝ ቤል ከተለያዩ የቻይና ክለቦች ከፍተኛ ደሞዝ የሚያስገኝለት ጥያቄዎች እየቀረቡለት ይገኛሉ በተለይ ደግሞ ከቤጂንግ ዋን በሳምንት £1m የሚያስገኝለት ጥያቄ እንደቀረበለት ነው የተሰማው በርካታ የቻይና ክለቦች በሳምንት 600ሺፓ ሊከፍሉት ይፈልጋሉ




ናፖሊ ሀሜስ ሮድሪጌዝን ለማስፈረም አሁንም ተስፋ እንዳልቆረጠ አሰልጣኝ ካርሎ አንቾሎቲ ተናግረዋል ለዚህም ተጨዋች ክብር እንዳላቸው እና እስከ መጨረሻው ድረስ እሱን ለማስፈረም እንደሚጥሩ ተናግረው በማድሪድ እና በናፖሊ መካከል ንግግርም እንደቀጠለ ተናግረዋል

አዲሱ የጁቬ አሰልጣኝ ማውሪዝዮ ሳሪ በዚ የዝውውር መስኮት ተጨማሪ ተጨዋች ማስፈረም እንደሚፈልጉ ተናግረዋል ከሚፈልጉዋቸው ተጨዋቾች መካከል ቀዳሚው ፖል ፖግባ ነው በተጨማሪም የኢንተርሚላኑን ማውሮ ኢካርዲ እንደሆነም እየተነገረ ይገኛል



ሞናኮ የኤሲሚላኑን አንድሬስ ሲልቫን ለማስፈረም ደርሰዋል እንደ ጣሊያኑ ጋዜጣ ካልቺዮ መርካቶ ከሆነ ሞናኮ ሲልቫን ለማስፈረም ከጫፍ እንደደረሰ ፅፏል  ሞናኮ ለልጁ £26.5m ለልጁ እንደሚከፍል ተረጋግጧል




የአፍሪካ ዋንጫ የውድድሩ ኮከብ ተጨዋች የ21 አመቱ አልጄሪያዊው ቤናሴር ወደ ተለያዩ ክለቦች ያመራል ሲባል ቆይቶ ነበር በመጨረሻም ማረፊያው ኤሲሚላን ሊሆን ከጫፍ ደርሷል በተለይም ደግሞ የኢምፖሊው ስፖርቲንግ ዳይሬክተር አካርዲ ወደ ኤሲሚላን ለማምራት ከጫፍ መድረሱን አረጋግጠዋል




የጁቬንቱሱ ሞይስ ኪን ወደ ተለያዩ ክለቦች እንዲያመራ ጁቬንቱስ ፍላጎት አለው ተብሏል ነገር ግን ይሄንን ተጨዋች ሲሸጠው የመልሶ የመግዛት መብት በዝውውር አንቀፅ ውስጥ እንዲካተት ፍላጎት አለው እስከ £27m ማቅረብ የሚችል ክለብ ካለ ልጁን መግዛት ይችላል ነገር ግን ጁቬ በፈለገበት ሰአት £36m ማቅረብ ሚችል ከሆነ መግዛት ይችላል የሚል አንቀፅ እንዲካተት ይፈልጋል አርሰናል ቦሩሲያ ዶርትመንድ እና ኤቨርተኖች ፈላጊ ክለቦቹ ናቸው




ኮትዲቫራዊውንን ኒኮላስ ፔፔን ለማስፈረም ብዙ ክለቦች ፍላጎት አሳይተዋል ከሁሉም በላይ ፈላጊው የነበረው ናፖሊ ከገንዘቡ አንፃር ራሱን እንዳገለለ ተሰምቷል ምናልባትም አትሌቲኮ ማድሪድ አልያም ማንችስተር ዩናይትድ ቀጣይ ማረፊያው ሊሆን እንደሚችል ተነግሯል ዩናይትዶች £70m የተገመተውን ፔፔን ለማስፈረም እንቅስቃሴ እንደጀመረም ታውቋል




ፒኤስጂዎች ኔይማርን ወደ ባርሴሎና እንዲያመራ አይፈልጉም ምክንያቱም ኔይማርን ሲያስፈርሙት በሁለቱ ክለቦች መካከል ከፍተኛ ቅራኔ ውስጥ ገብተው ነበር ከማድሪድ ጋር ደግሞ ጥሩ ግንኙነት አላቸው ስለዚም ለባርሳ ከመሸጥ ይልቅ ወደ ማድሪድ እንዲሄድ ይፈልጋሉ




በአርሰናል  በናፖሊ በሲቪያ ቫሊንሲያ  ይፈለግ የነበረው ናቢል ፌኪር በመጨረሻም ወደ ስፔኑ ሪያል ቤትስ ለማምራት ተቃርቧል የሚል መረጃ ማርካ ይዞ ወቷል ሊዮን እና ሪያል ቤቲስ ተስማምተዋል ተጨዋቹም ወደ ስፔን ለማምራት ተስማምቷል