የዕለተ ቅዳሜ ስፖርታዊ ዜናዎች

 

በክረምት የዝውውር መስኮት ከአያክስ ማንችስተርን የተቀላቀለው እና በዩናይትድ በቂ የመሰለፍ እድል እያገኘ የማይገኘው ቫንደቢክ በጥር የዝውውር መስኮት ክለቡን የመልቀቅ ምንም ፍላጎት እንደሌለው M.E.N አስነብቧል።ተጨዋቹ ክለቡን ከመልቀቅ ይልቅ ለቦታው መፋለም እንደሚፈልግ ተነግሯል። 

ባየርን ሙኒኮች የሬዲንጉን የ22 አመት የመስመር ተጨዋች ኦማር ሪቻርድሰንን ዝውውር ማጠናቀቃቸውን ስካይ ስፖርት አስነብቧል።ተጨዋቹ ኮንትራቱ ወደ መጠናቀቁ ተቃርቧል።ሙኒኮችም ተጨዋቹን ወደ ክለባቸው በማምጣት የአልፎንሶ ዴቪስ ተጠባባቂ አልያም የዳቪድ አላባ ተተኪ ማድረግ ይፈልጋሉ። 

ቶተንሀሞች ከአንድ አመት በፊት ለኢንተር ሚላን አሳልፈው የሰጡትን ክርስቲያን ኤሪክሰንን በድጋሚ መመለስ እንደሚፈልጉ The Athletic አስነብቧል። ነገር ግን ቶተንሀሞች አሁንም ቢሆን ኤሪክሰን ሚጠይቀውን ደሞዝ ለመክፈል ፍቃደኛ አልሆኑም። በዚህም ምክንያት ወደ ስፐርስ የመመለስ እድሉ ጠባብ ነው። 

አርሰናሎች ጀርመናዊውን የፓሪሰን ጀርመን የመስመር አጥቂ ጁሊያን ዲያክስለርን ለማስፈረም ፍላጎት እንዳላቸው ቢልድ ስፖርት አስነብቧል። አርሰናሎች የመጀመሪያ ምርጫቸው የዶርትመንዱ ብራንት ቢሆንም እሱን ማምጣት እንደማይችሉ ተረድተዋል።ይህንንም ተከትሎ ፊታቸውን በአመቱ መጨረሻ ኮንትራቱ ወደ ሚጠናቀቀው ድራክስለር አዙረዋል። 

ሪያል ማድሪዶች ደቡብ ኮሪያዊውን የቶተንሀም የመስመር አጥቂ ሰንግ ሁንሚንግን ዋነኛ የዝውውር ኢላማቸው ማድረጋቸውን OKDiario አስነብቧል። ባሳለፍነው ሳምንት ስማቸው ከሳላህ ጋር ሲነሳ የቆየው ማድሪዶች አሁን ደሞ ፊታቸውን ወደ ቶተንሀሙ አጥቂ አዙረዋል። 

በ2019 ዌስትሀምን ለቆ ወደ ቻይናው ሱፐር ሊግ ያመራው ማርኮ አርናቶቪች ወደ ዌስትሀም ዩናይትድ መመለስ ከፈለገ በሩ ክፍት መሆኑን talkSPORT አስነብቧል። ትናንት አጥቂያቸውን ሀለርን ወደ አያክስ የሸኙት ዌስትሀሞች አርናቶቪችን ለመመለስ ዝግጁ ናቸው። 

ሄርታ በርሊኖች በዚህ አመት መጨረሻ የውሰት ውሉን አጠናቆ ወደ አርሰናል የሚመለሰውን ፈረንሳዊውን አማካይ ማቲዮ ጎንዶዚንን ለመተካት የወልቭስበርጉን አማካይ ያኒክ ገርሀርድትን ለማስፈረም ፍላጎት እንዳላቸው ቢልድ አስነብቧል።ተጨዋቹንም ለመውሰድ ንግግሮች እንደተጀመሩ ታውቋል። 

ቶተንሀሞች በክረምት ከሪያል ማድሪድ በውሰት ያመጡትን ጋሬዝ ቤልን በክለባቸው ለተጨማሪ አንድ አመት በውሰት ለማቆየት ፍላጎት እንዳላቸው Eurosport አስነብቧል።ቶተንሀሞች ዝውውሩን ቋሚ የማድረግ ፍላጎት የሌላቸው ሲሆን ተጨማሪ አንድ አመት ግን በውሰት ለማቆየት ይፈልጋሉ። 

አንድሬስ ፔሬራ በጥር ወር የውሰት ውሉን ማቋረጥ ይፈልጋል።La Lazio Siamo Nol እንደዘገበው አንድሬስ ፔሬራ በላዚዮ ያለውን ውል ማራዘም አይፈልግም።ብራዚላዊዉ አማካኝ በዚህ የውድድር አመት በጣሊያን ቆይታ እያደረገ ቢገኝም የመጫወት እድል ስለተነፈገው በጣም ተበሳጭቷል። ፔሬራ በቋሚነት መጫወት ምኞቱ ነው ምንም ለውጥ ካላየ ክለቡን መልቀቅ ይፈልጋል።

ፒኤስጂዎች በዚህ አመት መጨረሻ ኮንትራቱ ከማንችስተር ሲቲ ጋር የሚጠናቀቀውን ሰርጂዮ አጉዌሮን ለማስፈረም እንቅስቃሴ መጀመራቸውን CANAL+ አስነብቧል። አጉዌሮ እስካሁን ከሲቲ ኮንትራት ያልቀረበለት ሲሆን በአመቱ መጨረሻ ሲቲን በነፃ እንደሚለቅ ይጠበቃል።