የዕለተ ረቡዕ ከሰዓት ስፖርታዊ ዜናዎች

            አዘጋጅ - ኢብራሂም ሙሐመድ 

የሀገር ውስጥ

በቤትኪንግ የኢትዮጵያ ፕሪሚየር ሊግ ዛሬ በተደረገ ጨዋታ ሀዋሳ ከነማ ወላይታ ድቻን 4ለ1 በሆነ ሰፊው ውጤት በመርታት ሙሉ ሶስት ነጥብ አስመዝግቧል።

ከውጭ

 በዊሊያን እና ፔፔ ደስተኛ ያልሆኑት አርሰናሎች በነሱ ቦታ ተጨማሪ ተጨዋች ለማስፈረም ፍላጎት እንዳላቸው ታውቋል። እንደ Sport Witness ዘገባ ከሆነ አርሰናሎች ዝውውሩ የመሳካት እድል ባይኖረውም ብራዚላዊውን የሪያል ማድሪድ የመስመር አጥቂ ቪኒሲየስ ጁኒየርን ለማስፈረም ትልቅ ፍላጎት እንዳላቸው ታውቋል። 

ዌስትሀም ዩናይትዶች በቸልሲ በጥብቅ የሚፈለገውን እንግሊዛዊውን አማካይ ዴክላን ራይስን ለማቆየት ተጨማሪ ኮንትራት ማቅረባቸውን talkSPORT አስነብቧል። ነገር ግን ተጨዋቹ ወደ ቸልሲ መሄድን ከፈለገ ቸልሲዎች ለተጨዋቹ £80m እንዲከፍሉ ፍላጎት አላቸው። 

ሰርጂዮ ራሞስ በሪያል ማድሪድ የቀረበለትን አዲስ ኮንትራት ውድቅ ማድረጉ ተሰምቷል።ራሞስ በዚህ ሳምንት ከክለቡ ፕሬዝዳንት ፊዮሬንቲኖ ፔሬዝ ጋር የተነጋገረ ሲሆን ሳይስማሙ ቀርቷል ።በዚህ አመትም ማድሪድን በነፃ እንደሚለቅ ይጠበቃል። ራሞስ ማረፊያውም ፒኤስጂ ሳይሆን እንደማይቀር ሌኪፕ አስነብቧል። 

ኒውካስትል ዩናይትዶች የማንችስተር ዩናይትዱን የ20 አመት የግራ መስመር ተከላካይ ብራንደን ዊሊያምስን በውሰት ለማስፈረም ከስምምነት መድረሱን ዘሰን አስነብቧል። ተጨዋቹ በሳውዝሀምተንም የሚፈለግ ቢሆንም ማረፊያው ኒውካስትል መሆኑ እርግጥ እየሆነ ነው። 

ቤልጄማዊው ኮከብ ኬቨን ዴብሮይና በማንችስተር ሲቲ የቀረበለትን አዲስ የኮንትራት ጥያቄ ውድቅ ማድረጉን ስካይ ስፖርት አስነብቧል።እስከ 2023 በኢትሀድ ተጨማሪ ኮንትራት የሚቀረው ዴብሮይን የቀረበለት የኮንትራት ጥያቄ ከጠበቀው በታች ስለሆነ ነው ጥያቄውን ውድቅ ያደረገው ሲቲዎችም የተሻሻለ ጥያቄ ይዘው እንደሚመጡ ታውቋል። 

አያክስ አምስተርዳም እና ዎልቭሶች የዴንማርካዊውን የኢንተር ሚላን አማካይ ክርስቲያን ኤሪከሰን ዝውውር ላይ መግባታቸውን Sky Italia አስነብቧል። ተጨዋቹ ወደ ፒኤስጂ የመሄድ እድሉ እየሰፋ ቢመጣም ሁለቱ ክለቦች አዲስ ፈላጊ ሆነው ብቅ ማለታቸው እርግጥ ሆኗል። 

አርጀንቲናዊው የማንችስተር ዩናይትድ የመሀል ተከላካይ ማርኮስ ሮኾ ወደ ሀገሩ ክለብ ቦካ ጁኑየርስ ለመቀላቀል ከጫፍ መድረሱን M.E.N አስነብቧል። ተጨዋቹ በማንችስተር ከፈለገው ክለብ ጋር እንዲነጋገር ፍቃድ ተሰቶት የነበረ ሲሆን በመጨረሻም ቦካዎችን በሶስት አመት ውል ለመቀላቀል ከስምምነት ደርሷል። 

ባርሴሎናዎች ሶስቱን በዚህ አመት ኮንትራታቸው የሚጠናቀቁትን ተጨዋቾች ወደ ካምፕኑ ለመውሰድ ካሁኑ ንግግር መጀመራቸውን Sky Sport አስነብቧል። እንደ Sky sport ዘገባ ከሆነ ባርሳዎች ኢላማቸው የሊቨርፑሉ ዋይናልደም ፣የማንችስተር ሲቲ ኤሪክ ጋርሺያ እንዲሁም የሊዮኑ ዴፓይ መሆናቸው ታውቋል። 

በዚህ ወር ከማንችስተር ጋር የውሰት ውሉ የሚጠናቀቀው እና በማንችስተር ተጨማሪ ውል እንደማይፈርም እርግጥ የሆነው ናይጄሪያዊው አጥቂ ኦዲዮን ኢጋሎ ከሁለት የፕሪሚየር ሊግ ክለቦች እና ከሳውዲ አረቢያ እና ኳታር ክለቦች ጥያቄ እንደቀረቡለት ዴይሊ ሜይል አስነብቧል። 

 

ባርሴሎናዎች በይፋ ከኦስትሪያዊው ተከላካይ ዳቪድ አላባ ዝውውር ራሳቸውን ማግለላቸውን ማርካ አስነብቧል።ምክንያቱም አላባ የጠየቀው ደሞዝ ከፍተኛ በመሆኑ ነው። ስለዚም አሁን ላይ አላባን ለማስፈረም ሪያል ማድሪድ እና ሊቨርፑል ፉክክር ውስጥ መግባታቸው ታውቋል።