የዕለተ እሁድ ረፋድ ስፖርታዊ ዜናዎች

አዘጋጅ - አብዱልቃድር በሽር (የሪሐና ልጅ)

 ፖል ፖግባ በማንቸስተር ዩናይትድ አዲስ ኮንትራት ለመፈረም ፍላጎት ስለሌለው በቀጣዩ የክረምት የዝውውር መስኮት ቀያይ ሰይጣኖቹ ሊሸጡት ወስኗል።

(Sunday Mirror)

ኦሌ ጉናር ሶልሻየር በአሁኑ ሰዓት ከጄደን ሳንቾ ይልቅ ሌላኛውን የዶርትሙንድ ኮከብ ኤርሊንግ ሀላንድ ነው የሚፈልገው።የ20 አመቱ ኖርዌጅያን በሌሎች ሀያላን ክለቦችም ይፈለጋል።

(Sunday Mirror)

አዲሱ የፓሪሰን ዤርመን አሰልጣኝ ማውሩሲዮ ፖቼቲንሆ ኪልያን ምባፔ አዲስ ኮንትራት እንደሚፈርም ተስፋ አድርጓል።ምባፔ በተለይ በሊቨርፑል እየተፈለገ ነው።

(AS)

ስሙ ከዌስትሃም ጋር በስፋት ሲያያዝ የቆየው ፈረንሳዊው አጥቂ ኦሊቪየር ዢሩ በቼልሲ መቆየት እንደሚፈልግ ተናግሯል።

(Sky Sports)

ስቶክ ሲቲ የቀድሞውን የማንቸስተር ስቲ ተጨዋች ራቢ ማታንዶ ለማዘዋወር እየሰራ ነው።ዌልሳዊው ተጨዋች በአሁኑ ሰዓት በጀርመኑ ሻልክ 04 ይገኛል።

(Mail on Sunday)

ለባርሴሎና ፕሬዝዳንትነት እየተወዳደሩ የሚገኙት ሁዋን ላፖርታ ወደ ስልጣን ከመጡ በርካታ ታላላቅ ተጨዋቾችን እንደሚያስፈርሙ ተናግረው የተጨዋቾቹን ስም ከመጥቀስ ተቆጥበዋል።

(Goal)

ኢንተር ሚላን ክርስቲያን ኤሪክሰንን ለሁለቱ የማድሪድ ክለቦች አቅርቦታል።ሁለቱ ክለቦች ግን ተጨዋቹን የማስፈረም ፍላጎቱ የላቸውም።

(Marca)

ሉካስ ቫስኩዌዝ በሪያል ማድሪድ መቆየት እንደሚፈልግ ተናገረ።ስፔናዊ ተጨዋች የእርሱ የበርናቢዮ ቆይታ የሚወሰነው በክለቡ ፍላጎት መሆኑን ተናግሯል።

(Movistar)