የእሁድ ምሽት ስፖርታዊ ዜናዎች

          አዘጋጅ - ኢብራሂም ሙሐመድ 

ክርስቲያል ፓላሶች በይፋ የቱርካዊውን የሻልክ 04 ተከላካይ ኦዛክ ካባክ ዝውውር መቀላቀላቸውን ዴይሊ ሜይል አስነብቧል። ተጨዋቹ  ከክርስቲያል ፓላስ በተጨማሪ በሁለቱ የፕሪሚየር ሊግ ክለቦች ሊቨርፑል እና ማንችስተር ዩናይትድ ይፈለጋል።ኦዛክ በጥር ሻልክን መልቀቁ እርግጥ እየሆነ መቷል። 

ማንችስተር ዩናይትዶች የአትላንታን ጥያቄ ውድቅ አድርገዋል። ዩናይትዶች ባሳለፍነው ክረምት ከአትላንታ ያስፈረሙት እና በቪዛ ምክንያት እስከ ጥር የቆየውን አማድ ትራኦሬን አትላንታዎች እስከ ክረምት በውሰት እናቆይ ቢሉም ዩናይትዶች ጥያቄውን ውድቅ አድርገውባቸዋል። በዚህ ሳምንትም በይፋ የዩናይትድ ተጨዋች እንደሚሆን ይጠበቃል። 

ትናንት ማምሻውን በይፋ የፒኤስጂ አሰልጣኝ ሆነው የተሾሙት ማውሪዚዮ ፖቸቲንሆ በጥር የዝውውር መስኮት የቀድሞ ልጆቻቸውን የቶተንሀሙን ዴሊ አሊን እና የኢንተር ሚላኑን ኤሪክሰንን እንዲያመጡላቸው ጥያቄ እንዳቀረቡ የፈረንሳዩ ጋዜጣ ሌኪፕ አስነብቧል። 

ቸልሲዎች ከኤሲ ሚላን ጋር በዚህ አመት መጨረሻ ኮንትራቱ የሚጠናቀቀውን ግብ ጠባቂ ጂአሉጂ ዶናሩማን ለማስፈረም እንደሚፈልጉ ካልቺዮ መርካቶ አስነብቧል። ተጨዋቹ እስካሁን በሚላን ኮንትራት ያልቀረበለት ሲሆን ቸልሲዎች ልጁን ለማግኘት ትልቅ እድል አላቸው። 

ሪያል ማድሪዶች የዳቪድ አላባን ዝውውር ለመጨረስ ከጫፍ እንደደረሱ ቢልድ ስፖርት አስነብቧል። ማድሪዶች አላባ የጠየቀውን አመታዊ £9m ለመክፈል ተስማምተዋል።ልጁ እስከ አመቱ መጨረሻ በሙኒክ ቆይቶ ኮንትራቱን ሲያጠናቅቅ በይፋ ማድሪድን ይቀላቀላል። 

ቦሩሲያ ዶርትመንዶች ጁሊያን ብራንትን ለሽያጭ እንደማያቀርቡት ስፖርቲንግ ዳይሬክተሩ ሚካኤል ዞርክ ይፋ አድርገዋል።ሰሞኑን ስሙ ከአርሰናል ጋር በስፋት ሲያያዝ ቢቆይም ዞርክ ምንም ጥያቄ እንዳልቀረበላቸው እና ተጨዋቹ እንደማይሸጥ ተናግረዋል። 

ሳም አላርዳይስ ዳኒኤል ጀምስን ለማስፈረም ሲደረግ የነበረውን ሙከራ እንዲቆም አድርገዋል። ዴይሊ ሜይል እንዳስነበበው ከሆነ  አላርዳይስ  ዳኒኤል ጀምስና ደንከን ዋትሞርን በጥሩ የዝውውር መስኮት የማስፈረም ሀሳብን ውድቅ አድርገዋል። 

አርሰናሎች የእንግሊዛዊውን ተከላካያቸውን የሮብ ሆልዲንግን ውል ለማራዘም ከስምምነት መድረሳቸውን Telegraph አስነብቧል።ሆልዲንግ በአርሰናል የ18 ወር ኮንትራት የሚቀረው ሲሆን አርሰናሎች በቀጣይ ቀናት ተጨማሪ አመታትን በኢምሬት የሚያቆየውን አዲስ ውል እንደሚያስፈርሙት ተማምነዋል። 

አራቱ የሴሪያ ክለቦች የሆኑን ኤሲ ሚላን ፣ ጁቬንቱስ ፊዮሬንቲና እና ሳምፕዶሪያ በናፖሊ የማይፈለገውን አጥቂ ፈርናንዶ ሊዮሬንቴን ለማስፈረም ፉክክር ውስጥ መግባታቸውን Le10Sport አስነብቧል። ሊዮሬንቴ በኔፕልስ የመጫወት እድልን እያገኘ አይደለም። ስለዚህ በጥር ክለቡን ለመልቀቅ ይፈልጋል። 

ሊድስ ዩናይትድ ኮንትራቱን ለማራዘም ከሪያል ማድሪድ ንግግር እያደረገ የሚገኘውን የመስመር ተጨዋች ሉካስ ቫስኬዝን ለማስፈረም ፍላጎት አሳይተዋል። ነገር ግን ማድሪዶች ልጁን በቀላሉ አሳልፈው ይሰጣሉ ተብሎ አይጠበቅም።