"ዩናይትድ በጣም ጥሩ አቋም ላይ ነው ፤ አሁን የዋንጫም ተፎካካሪ ነው" ሮይ ኪን

አብዱልቃድር በሽር (የሪሐና ልጅ)

 

"ዩናይትድ በጣም ጥሩ አቋም ላይ ነው ፤ አሁን የዋንጫም ተፎካካሪ ነው" ሮይ ኪን

የቀድሞው የማንቸስተር ዩናይትድ ሌጀንድ ሮይ ኪን ቀያይ ሰይጣኖቹ ወደ ቀድሞው የክለቡ የስነ ልቦና ልዕልና መመለሳቸውን እና ከሊቨርፑል ጋር የመፎካከር አቅም እንዳላቸው ተናገረ።

ዩናይትድ አጀማመሩ አስጊ የነበረ ቢሆንም አሁን ግን ለፕሪሚየር ሊግ አሸናፊነት ጭምር ተስፋ ያለው ነው ተብሏል ኪኖ።

ሰር አሌክስ ፈርጉሰን 2013 ላይ የሊጉን ክብር ተቀዳጅተው ክለቡን ከለቀቁ በኋላ ፤ ምንም እንኳን ዴቪድ ሞይስን ፣ ቫን ሃልን እና ሞሪንሆን ቢቀጥሩም ወደ ሻምፒዮንነት ለመመሀስ ግን ተቸግረዋል ቀያይ ሰይጣኖቹ።

ሆኖም በዚህ ሲዝን የኦሌ ጉናር ሶልሻየር ቡድን በደጋፊዎቹ ዘንድ ተስፋ ተጥሎበታል።በአሁኑ ሰዓት ከመሪው ሊቨርፑል እኩል 33 ነጥብ ይዞ በግብ ክፍያ አንሶ ሁለተኛ ደረጃ ላይ ይገኛል።